iPhone սմարթֆոնների համար նախատեսված WhatWasThere հավելվածը (Ինչ է եղել այդտեղ) թույլ է տալիս ճանապարհորդել ժամանակի մեջ: Այն գործարկելուց հետո հավելվածն անմիջապես կպարզի, թե որտեղ է գտնվում օգտատերը և կառաջարկի այդտեղ գտնվող պատմական վայրերի լուսանկարներ: Հավելվածը կցուցադրի տարբեր ժամանակներում կատարված նկարներ:
Այս հավելվածում դեռ շատ նկարներ չկան, դրանք հիմնականում վերաբերում են Չիկագոյին և Էն Հարբորին: Օգտատերերը շուտով հնարավորություն կունենան ստեղծելու սեփական ալբոմներ: Հավելվածը տարածվում է անվճար: Այն գործարկելու համար անհրաժեշտ է iOS օպերացիոն համակարգի 4.0 տարբերակով աշխատող iPhone, iPod touch կամ iPad: