Ըստ ԿԲ հրապարակման՝ ՀՀ տնտեսական ակտիվության ինդեքսը նախորդ տարվա նույն եռամսյակի նկատմամբ մնացել է անփոփոխ` կազմելով 99.9%: Տնտեսական ակտիվությունը աճել է արդյունաբերության և առևտրի ոլորտներում: Միևնույն ժամանակ, գրանցվել է անկում ծառայությունների ոլորտներում:
Շինարարությունում ակտիվությունը գրեթե անփոփոխ է:
Արդյունաբերության ոլորտում գրանցվել է միջին աշխատավարձի և հզորությունների փոքր-ինչ անկում, իսկ առևտրի ոլորտում՝ աշխատողների թվի և աշխատավարձերի աճ, շինարարության և ծառայությունների ոլորտներում նվազել է աշխատողների թիվը:
Գործարար միջավայրի ինդեքսը նախորդ տարվա նույն եռամսյակի համեմատությամբ աճել է 1.1%-ով` հիմնականում պայմանավորված ծառայությունների ոլորտի պատասխաններով:
Նշենք, որ Գործարար միջավայրի ինդեքսը հաշվարկում է ռիսկերի և ընդհանուր տնտեսական վիճակի փոփոխությունների վերաբերյալ կազմակերպությունների գնահատականների միջինացման միջոցով:
Այստեղ գործարարները բարձր են գնահատել ենթաճյուղի տնտեսական ներկա վիճակը և գալիք եռամսյակի սպասումները: Տնտեսության մյուս ոլորտներում գրանցվել է գործարար մրջավայրի վատացում:
