Բրիտանացի վիրաբույժներին հաջողվել է առանձնացնել սիամական երկվորյակների, որոնք իրար կպած են եղել գլխի հատվածում: Այս մասին հայտարարել են բրիտանական բարեգործական ընկերության ներկայացուցիչները, որոնք ֆինանսավորել են սուդանցի քույրերի՝ Ռիթալի և Ռթիագի վիրահատությունը: Այս մասին հաղորդում է ITAR-TASS գործակալությունը:
Վիրահատությունը կատարվել է Լոնդոնի Գրեյթ Օրմոնդ փողոցում գտնվող մանկական հիվանդանոցում: Այն համարվում է Մեծ Բրիտանիայի և աշխարհի լավագույն ու առաջադեմ հիվանդանոցներից մեկը: Վիրահատության դժվարությունն այն է եղել, որ արյան շրջանառության համակարգն աղջիկների մոտ միասնական է եղել: Ռիթալի ուղեղի սնուցումը կիսով չափ կատարվում էր քրոջ օրգանիզմի հաշվին, այդ պատճառով Ռիթագը սրտի հետ խնդիրներ ուներ:
Մինչև վերջին վիրահատությունը, որը կատարվել էր օգոստոսի 15-ին, սակայն բժիշկները դրա մասին հայտարարել էին միայն մեկ ամիս անց, իրականացվել էր 3 վիրահատություն, որոնց նպատակն էր օրգանիզմը նախապատրաստել վերջին դժվարին վիրահատությանը:
Բժիշկներն ասել են, որ վիրահատությունը նորմալ է ընթացել, և հույս կա, որ երկու քույրերը կառողջանան: