Wednesday, 28 02 2024
Մեկնարկել է Արարատ Միրզոյանի և Ջեյհուն Բայրամովի հանդիպումը
Դեբեդից ապօրինի ջրառը կասեցվել է
Գումարտակի հրամանատարը դիզվառելիք, զրահաբաճկոններ ու համազգեստներ է յուրացրել
Վահագն Խաչատուրյանը հանդիպել է Իրաքի վարչապետի հետ
Ճանապարհը փոս է ընկնում, ճաքում է, դա բոլորը տեսնում են. վարչապետն այցելել է Ճանապարհային դեպարտամենտ
13:12
Կոնվերս Բանկը ներկայացրել է Converse Markets հարթակը
Երևան-Սևան ավտոճանապարհին բեռնատար է կողաշրջվել
Զելենսկին Հայաստանում առանձնապես ասելիք չունի, Արևմուտքին ցույց տալու բան ունի
Մեդվեդևը Մակրոնին անվանել է «Բոնապարտի մանրաբույծ ժառանգ»
Նոր պաշտոնանկություններ կլինեն․ ովքեր են հերթում
Ադրբեջանցի զինծառայողը հատել է շփման գիծը. նա վնասազերծվել է. ԱԱԾ
Զելենսկու այցը քիչ հավանական է. տեղեկատվական աղմուկ է՝ Մոսկվային նյարդայնացնելու համար
Ադրբեջանը հայտնում է զինծառայողի մոլորվելու մասին
Լուրերի օրվա թողարկում 12։00
Նորատուսցի ձկնորսների գործի նախաքննությունը 5 մեղադրյալի մասով ավարտվել է
Սահմանային միջադեպի Մյունխենի հանդիպումից ժամեր առաջ
11:50
Ադրբեջանի ղեկավարությանը կոչ եմ անում ընդունել խաղաղության համապարփակ համաձայնագիրը. Մարինա Կալյուրանդ
11:45
ԱՄՆ-ն չի պատրաստվում զորքեր ուղարկել Ուկրաինա․ Միլլեր
11:30
Ֆինլանդիան և այլ երկրներ կանցնեն 6G ցանցերի
Վրաստանի իրավասու մարմինը բավարարել է ՀՀ գլխավոր դատախազության միջնորդությունը. հետախուզվող անձը հանձնվել է Հայաստանի իրավասու մարմիններին
11:00
ԵՄ-ն ու Հայաստանը երբեք այսքան մոտ չեն եղել
10:45
Դոնալդ Թրամփը հաղթել է նաև Միչիգանի ներկուսակցական ընտրություններում
Մահացել է ՀՀ ազգային հերոս Նիկոլայ Ռիժկովը
«Hummer»–ը և «Mitsubishi»–ն այրվել են․ մի հոգի այրվածքներ է ստացել
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
ՃՏՊ Աշտարակ-Ագարակ ավտոճանապարհին. կան տուժածներ
«Զվարթնոցը» օպերացիայի մի քայլն է. եթե չարվեն հաջորդ քայլերը, կունենանք լրիվ բացասական էֆեկտ
Ցերեկային խնամքի ծառայություններից օգտվում է ավելի քան 3500 երեխա
Գազայի պատերազմի հանգուցալուծումը կարծես մոտ է

Կարևոր ներդրում՝ երիտասարդների մասնագիտացման համար

Մեկնարկել է «Viva University» («Վիվա Յունիվերսիթի») կրթական ծրագրի հերթական փուլը

Հանրապետության տարբեր բուհերի ուսանողներ 8 տարի շարունակ ինքնաբացահայտման և դրսևորվելու հնարավորություն են ստանում Վիվա-ՄՏՍ-ում: Կրթական «Viva University» («Վիվա Յունիվերսիթի») ծրագրի երկամսյա դասընթացների արդյունքում երիտասարդները գործնական գիտելիքներ, նեղ մասնագիտական հմտություններ և կարևոր փորձառություն են ձեռք բերում: Ընթացիկ տարում արդեն երկրորդ անգամ ընկերությունը մեկնարկային նոր հնարավորություններ է ստեղծել ևս 22 ուսանողի համար: Դիմորդների հերթական խմբին ողջունելով՝ Վիվա-ՄՏՍ-ի գլխավոր տնօրենը արժեքավոր ձեռքբերում է համարել այն, որ առաջին հոսքից մի քանի ուսանող սկսել է աշխատել ընկերությունում: Դա կարևոր ցուցանիշ է՝ ծրագրի արդյունավետությունն ու երիտասարդների զարգացման գործում ներդրումը գնահատելու համար

«Ես անցած անգամ ևս ասացի, և հիմա ուզում եմ կրկնել. այնպես կցանկանայի նման հնարավորություն ունենալ, երբ երիտասարդ էի: Եթե երեսուն տարի առաջ ունենայի այն, ինչ տրվելու է ձեզ այս ծրագրի ընթացքում, երջանիկ կլինեի: Այստեղ գտնվելը ձեզ թույլ կտա փնտրտուքներից զերծ մնալով խնայել հինգ տարի: Ստիպված չեք լինի մտածել, թե ում դիմել, ինչպես կամ որ ոլորտում աշխատել, ինչպիսի միջավայրում լինել կամ ում հետ շփվել: Հինգ տարին զգալի ժամանակահատված է: Ձեզ հետ աշխատելու է հեռահաղորդակցության շուկայում աշխատող պրոֆեսիոնալների լավագույն թիմերից մեկը և ձեզ հնարավորություն կընձեռվի յուրացնել բարձրորակ մասնագետների փորձն ու գիտելիքները՝ աշխատելով թիմային աշխատանքի ձևաչափով, ինչն անհնար է ակադեմիական կրթության շրջանակներում: Ամենայն պատասխանատվությամբ վստահեցնում եմ, որ Հայաստանի ոչ մի ոլորտում, ոչ մի ընկերությունում արհեստավարժ այսքան մասնագետ չեք գտնի:

Այն, որ դուք հայտնվել եք այսպիսի միջավայրում, հրաշալի է: Գնահատեք դա ոչ թե երախտապարտ լինելով, որ այդպես է ստացվել, այլ հնարավորինս օգտագործելով մեր մասնագետների մտավոր ներուժը, ներկայացրեք ձեր հարցերը և ստացեք առավելագույն գիտելիքն ու փորձը»,- ասել է Վիվա-ՄՏՍ-ի գլխավոր տնօրեն Արմեն Ավետիսյանը:

Գյումրեցի Գոռ Հակոբյանը «Viva University» («Վիվա Յունիվերսիթի») ծրագրի մասին տեղեկացել է սոցիալական հարթակներից: Թեև դեռ նոր է փորձառություն ձեռք բերում, սակայն հասցրել է սպասարկման ոլորտը գնահատել և դրսից, և ներսից: Գիտի, թե որքան կարևոր են բաժանորդին ներկայացվող տեղեկատվության հավաստիությունն ու նրան գոհ ճանապարհելը: Հաճախորդին բարձրակարգ կերպով սպասարկելն առաջնային է համարում՝ անկախ հանգամանքներից, քանի որ խնդիր է դրված՝ ապահովել հաճախորդի գոհունակությունը:

«Դեռ նոր եմ, բայց արդեն սովորել եմ, որ հաճախորդներին պետք է դիմավորել բարեհամբույր: Առհասարակ, անկախ կազմակերպությունից, հաճախորդների հետ աշխատելիս կարևոր է լինել համբերատար, բարեխիղճ և պատասխանատու: Կազմակերպությունն ունի սկզբունքներ և արժեքներ:

Աշխատակիցը, լինելով կազմակերպության մի մասը, պետք է կարողանա հետևել այդ ամենին: Որպես բաժանորդ՝ ավելի հեշտ է թվում ամբողջ գործընթացը, բայց հետո, երբ գալիս ես սպասարկման կենտրոն, տեսնում ես աշխատակիցների աշխատանքը, ներսում պատկերն արդեն այլ է: Դու դրսում միակ բաժանորդն ես, գալիս ես, այստեղ քեզ պետք է սպասարկեն, բոլորը պարտավոր են քո կարիքները հոգալ, հետո դու դուրս ես գալիս: Բայց երբ արդեն ներսում ես, գալիս է մի բաժանորդ, իրենից հետո արդեն՝ հազարավորները, և բոլորին սպասարկում են աշխատակիցները: Տեսնում ես, որ իրականում շատ բարդ է տարբեր բնավորության մարդկանց հետ գործ ունենալը»,- ասել է գյումրեցի Գոռը:

Տարիների փորձը կիսելու Վիվա-ՄՏՍ-ի պատրաստակամությունը մեծ ներդրում է աշխատող-գործատու օղակում առաջընթաց արձանագրելու համար: Ուսանողների հերթական խումբը «Viva University» («Վիվա Յունիվերսիթի») ծրագրի շրջանավարտ կդառնա տարեվերջին: Ձեռք բերած փորձն ու գործնական գիտելիքները նրանց թույլ կտան տեղ գտնել աշխատաշուկայում և լավագույն արդյունք գրանցել մասնագիտական ոլորտում: Համապատասխան ոլորտում հաստիքների առկայության դեպքում լավագույն շրջանավարտներին կտրվի Վիվա-ՄՏՍ-ում աշխատանքի անցնելու հնարավորություն:

Ընթացիկ տարում մայրաքաղաքում և մարզերում երկամսյա դասընթացների երկու փուլերին մասնակցել է տարբեր բուհերի 44 ուսանող: Առաջին փուլի մասնակիցները մասնագիտացել են ՏՏ (տեղեկատվական տեխնոլոգիաների) և վաճառքի ու բաժանորդների սպասարկման ոլորտում: Երկրորդ փուլում տարբեր բուհերից ընտրված 22 ուսանող ներկայացրել է սպասարկման ոլորտում հմտանալու հայտ և այժմ մասնագիտացման դասընթացներ է անցնում Վիվա-ՄՏՍ-ի սպասարկման տարբեր կենտրոններում։

Բաժիններ
Ուղիղ
Լրահոս
Որոնում