2022-2023 թվականներին թմրամիջոցների ապօրինի շրջանառության դեպքերով ՀՀ քննչական կոմիտեի ստորաբաժանումներում քննվել է 4029 քրեական վարույթ, մեղադրանք է ներկայացվել 1063 անձի, 287 անձի նկատմամբ խափանման միջոց է ընտրվել կալանքը:
Բացահայտվել է սոցիալական ցանցերում գրանցված 49 խանութ-հարթակ, որոնցից միայն մեկով գործունեություն են ծավալել թմրանյութերի վաճառքով զբաղվող 65 տելեգրամյան ալիքներ: Նշված վարույթներով խանութ-հարթակներին և տելեգրամյան ալիքներին ՀՀ-ում գրանցված բաժանորդների քանակը գերազանցել է 50.000-ը:
ՀՀ քննչական կոմիտեի նախագահի խոսքը ՀՀ ՔԿ 9-ամյակին նվիրված Կոլեգիայի նիստին՝ Կոմիտեում իրականացվող վարույթներով թմրամիջոցների ապօրինի շրջանանռության (այդ թվում նաև սոցիալական ցանցերի միջոցով) դեմ անցած մեկ տարվա ընթացքում իրականացվող քրեաիրավական անզիջում պայքարի արդյունքների մասին։
