Ընդդիմադիր ակտիվիստ Տիգրան Առաքելյանի և նրա երկու ընկերների` Սարգիս Գևորգյանի և Արտակ Կարապետյանի գործով վերսկսված նախաքննությունը երեքշաբթի օրը ավարտվել է:
Վարույթն իրականացնող մարմինը հայտարարել է վերսկսված նախաքննության պաշտոնական ավարտի մասին:
Տ. Առաքելյանի փաստաբանից փորձեցինք վերսկսված նախաքննության շուտափույթ ավարտի ավարտի մասին մանրամասներ պարզել.
«Չեմ կարող ասել, թե նախաքննության ավարտի հետ կապված շտապողականությունը ինչի հետևանք է, բայց որ չափազանց մեծ շտապողականություն կար, դա ակնառու է մեզ համար: Այս պահին դեռևս քրեական գործը մեզ չի տրամադրվել, ուստի չեմ կարող ասել` կատարվել է լրացուցիչ, չի կատարվել»:
Հիշեցնենք, որ Տիգրան Առաքելյանը ոստիկանության հետ տեղի ունեցած միջադեպի հետևանքով օգոստոսի 9-ից գտնվում է բանտում` խուլիգանության և իշխանության ներկայացուցչի նկատմամբ բռնություն գործադրելու մեղադրանքով:
