Հոկտեմբերի 1-ին մահվան ելքով վրաերթ է տեղի ունեցել Կոտայքի մարզում: Ժամը 19:50-ի սահմաններում Երևանի բնակիչ 57-ամյա Դավիթ Հովհաննիսյանն իր վարած Mercedes GLE 300 մակնիշի ավտոմեքենայով Երևան-Աշտարակ ավտոճանապարհի՝ Պռոշյան գյուղի վարչական տարածքում, վրաերթի է ենթարկել հետիոտն, Տավուշի մարզի բնակիչ 57-ամյա Սամվել Մարտիրոսյանին:
Ինչպես հայտնում է Shamshyan.com-ը, վարորդը փախուստի չի դիմել, ահազանգել է շտապօգնություն, և օպերատիվորեն ժամանած շտապօգնության բժիշկներն արձանագրել են հետիոտնի մահը: Դեպքի փաստով նախաձեռնվել է քրեական վարույթ: Քննիչի հանձնարարականով ավտոմեքենան տեղափոխվել է ոստիկանության Նաիրիի բաժնի պահպանվող հատուկ տարածք:
