Արցախի կորուստը, եթե ավարտվի խաղաղության պայմանագրի ստորագրմամբ, բացելու է մի փուլ, որտեղ անկախ ծրագրեր ձևակերպելու հնարավորությունն է կորելու։ «Առաջին լրատվական»-ի հետ զրույցում նշեց Ռուսաստանի և ԱՊՀ հարցերով վերլուծաբան Լիլիթ Գևորգյանը։
Գևորգյանի խոսքով՝ խաղաղության պայմանագրի ստորագրումը Հայաստանին այնպիսի կաղապարների մեջ կդնի, որ ոչ միայն ՌԴ-ն, այլ Ադրբեջանն են վերահսկելու ՀՀ գործունեությունը. «Սա ջրբաժան պահ է, շատ կարևոր է, որ վախի հիման վրա չդրվեն այնպիսի հիմքեր, որոնք Հայաստանին կզրկեն վերականգնվելուց։ Պետք է դիմադրել և սկսել մտածել ապագայի մասին, ոչինչ ավարտված չէ։ Արցախի կորուստը բոլոր կառավարիչների սխալների հետևանքն էր։ Խնդիրները վերականգնելու համար պետք է ազգային համաձայնություն»։
