Այն, ինչ մենք տեսնում ենք, այն է, որ մեր ներդրումները Վրաստանում ուժեղացնում են դիմադրողականությունը։ Մենք նաև ամուր համագործակցություն ունենք անվտանգության և պաշտպանության ոլորտում, ինչը շատ կարևոր է այս դժվարին ժամանակներում,- ասել է ԵՄ բարձր ներկայացուցիչ Ջոզեֆ Բորելը։
Վրաստան կատարած այցի սկզբում Եվրամիության բարձրագույն ներկայացուցիչը խոսել է Եվրամիության անվտանգության գործում Վրաստանի ներդրման մասին։
«Կցանկանայի ընդգծել այն կարևոր ներդրումը, որ Վրաստանը ներդրել է Եվրամիության ընդհանուր անվտանգության և պաշտպանական քաղաքականության մեջ, ինչպես նաև մեր ջանքերը՝ ուղղված Վրաստանի պաշտպանական ուժերն ամրապնդելու Խաղաղության եվրոպական հիմնադրամի շրջանակներում, որից մոտավորապես 60 միլիոն եվրո է հատկացվել ձեր բանակի դիմադրողականությունն ու կարողությունները ամրապնդելու համար: Ինչպես տեսնում եք, շատ հագեցած այց է լինելու, ես անհամբեր սպասում եմ շատ հետաքրքիր բանակցությունների վրացական իշխանության և հասարակության հետ»,- ասել է Բորելը։
