Մուամար Քադաֆիի որդիներից մեկը` Սաադին, որը կիրակի օրը ժամանել էր Նիգեր, այդ երկրում ստացել է քաղաքական ապաստան: Այս մասին հաղորդում է BBC-ն:
Սաադիին թույլատրել են Նիգերում մնալ «հումանիտար նկատառումներով»: Այս մասին հայտարարել է երկրի արդարադատության նախարար Մարու Ադամուն: «Նրան (Սաադիին.- 1in.am) ուղեկցում էր 9 մարդ: Նրանք ձերբակալվել էին Ագադես տանող ճանապարհին»,- ասել է Մարու Ադամուն:
Մինչդեռ պարզ չէ, թե որտեղ է թաքնվում նրա հայրը` գնդապետ Մուամար Քադաֆին: Նիգերի իշխանություններն ասել են, որ եթե Մուամար Քադաֆին և նրա մյուս որդին` Սայֆ Ալ-Իսլամը, ժամանեն Նիգեր, ապա, Հաագայի միջազգային քրեական դատարանի սանկցիայի համապատասխան, կձերբակալվեն և կհանձնվեն դատարանին:
