Ֆուտբոլի Կոնֆերենցիաների լիգայի որակավորման երրորդ փուլի առաջին խաղում այսօր Հայաստանի փոխչեմպիոն «Փյունիկը» արտագնա խաղում կմրցի նորվեգական «Բուդյո-Գլիմտի» հետ։ Մասնագետներն այս դիմակայությունում ֆավորիտ են համարում «Բուդյո-Գլիմտին», բայց․․․։ «Փյունիկը» ֆավորիտ չէր համարվում նաև որակավորման երկրորդ փուլի շվեդական «Կալմարի» հետ դիմակայությունում, բայց ցուցադրելով գրագետ և տպավորիչ ֆուտբոլ մեր թիմերը թե տանը և թե հյորընկալվելիս հաղթեց 2։1 հաշվով։
«Մենք թիմ ենք բոլորով։ Դժվարությունները պետք է միասին հաղթահարենք։ Մեզ մոտ դա ստացվում է, խաղեր կան, որ պարտվում ենք, բայց մեր հաղթանակներն ավելի շատ են։ Իսկ պարտության դեպքում փորձում ենք չհանձնվել, պայքարել։ Մենք հասկանում ենք, որ մրցակիցը բարդ է։ Բայց մենք այդպիսի փորձ ունենք, մրցակիցը կարող է մեզանից ուժեղ լինել, բայց մենք գիտենք ոնց պատրաստվենք մրցակցի դեմ։ Այդ փորձը մեզ կօգնի։ Մենք պատրաստ են այս դիմակայությանը։ Շատ ենք ուզում հասնել հաջողության, որովհետև մենք չենք ներկայացնում այստեղ մեր ակումբը, մենք ներկայացնում ենք Հայաստանն ու մեր ֆուտբոլը, այդ պատասխանատվությունը մենք զգում ենք։ Մենք պատրաստ ենք անել առավելագույնը, որ երկրպագուները հպարտանան մեզանով, որովհետև մենք ունենք շատ երկրպագուներ, որոնք մեզ հավատում են»,- նախախաղային մամուլի ասուլիսի ժամանակ ասել է «Փյունիկի» գլխավոր մարզիչ Եղիշե Մելիքյանը։ Նորվեգիայի ընթացիկ առաջնության 18-րդ տուրից հետո «Բուդյո Գլիմտը» 41 միավորով առաջատարն է։ Վերջին խաղում սակայն այս թիմը 2։3 հաշվով զիջել է երկրորդ հորիզոնականում գտնվող «Վիկինգին»։ Նախորդ մրցաշրջանում նորվեգական ակումբը մասնակցել էր Եվրոպա լիգային, որի խմբային փուլում գրավել էր երրորդ տեղը և դուրս եկել Կոնֆերենցիաների լիգայի 1/16 եզրափակիչ, որտեղ պարտվել էր լեհական «Լեխին» (0-0, 0-1): Կոնֆերենցիաների լիգայի որակավորման երկրորդ փուլում «Բուդյո Գլիմտը» ուժեղ էր գտնվել չեխական «Բոհեմիանս Պրահայից» (3-0, 4-2): Կոնֆերենցիաների լիգայի ընթացիկ խաղարկության որակավորման երկրորդ փուլի պատասխան խաղում 4։2 հաշվով «Բուդյո Գլիմտը» առավելության էր հասել «Բոհեմիանս Պրահայի» նկատմամբ, որին հաղթել էր նաև սեփական հարկի տակ 3։0 հաշվով: «Փյունիկի» մրցակիցների տրանֆերային ընդհանուր արժեքը 31 միլիոն եվրո է, մինչդեռ մեր թիմի խաղացողների տրանսֆերային հանրագումարը կազմում է մոտ 5․5 միլիոն եվրո։ Ամենաթանակ ֆուտբոլիստը կենտրոնական կիսապաշտպան Ալբերը Կրոնբեկն է, որի տրանսֆերային արժեքը 5 միլիոն եվրո է։
«Բուդյո Գլիմտը» ելույթ են ունենում Նորվեգիայի ազգային հավաքականի միանգամից 5 ֆուտբոլիստներ։ Այո «Փյունիկի» առաջիկա մրցակիցը մի գլուխ ավելի բարձր է շվերդական «Կալմարից»։ Անկախ մրցակցի կարգից առաջիկա դիմակայությունում մեր թիմից ակնկալում ենք հաղթանակ։ Եղիշե Մելիքյանը բազմիցս է ապացուցել, որ կանաչ դաշտում կարելի է կռիվ տալ ցանկացած մրցակցի դեմ։ «Փյունիկը» հայկական միակ ակումբն է, որը շարունակում է պայքարը եվրոպական մրցասպարեզում։ Թերևս կարևոր դիտարկում։ Երկրպագուների ամենամեծ բանակ ունեցող մեր թիմը Կոնֆերենցիաների լիգայի որակավորման առաջին փուլերի տնային հանդիպումներն անցկացրեց Աբովյանի քաղաքային ստադիոնում։ Որակավորման երրորդ փուլի տնային հանդիպումը «Փյունիկը» կանցկացնի Վազգեն Սարգսյանի անվան «Հանրապետական» մարզադաշտում։ Սա նշանակում է, որ մեկ շաբաթ անց կայանալիք պատասխան խաղում «Փյունիկը» կունենա լիակաատար աջակցությունը։ 12-րդ խաղացողի ներկայությունը կարևոր գործոն է։
Վստահ ենք, որ այսօր դրական արդյունքի հանսելու պարագայում մեկ շաբաթ անց «Հանրապետականի» տրիբունաները լեփ լեցուն կլինեն։ Ինչևէ, այսօր կայանալիք խաղը կսպասարկեն մոլդովացի մրցավարներ։Նորվեգիայում անցկացվելիք հանդիպման գլխավոր մրցավարը կլինի Իոն Օրլիչը, նրան կօգնեն Անատոլիե Բասիուլը եւ Վադիմ Ռոսչան։ Չորրորդ պաշտոնյան կլինի Ռոման Ժիտարին։ Հանդիպումը կմեկնարկի Երեւանի ժամանակով 20:00-ին։
