Բիբլոս Բանկ Արմենիան իր 15-րդ տարեդարձի շրջանակում ներկայացնում է ավանդի 2-րդ հատուկ առաջարկը՝ «Ավանդ Պլյուս», որը հաճախորդներին թույլ է տալիս ներդնել ավանդ և պահպանել տոկոսագումարները նույնիսկ ժամկետից շուտ դադարեցնելու դեպքում։
Առաջարկը նվազագույնի է հասցնում կուտակված տոկոսները կորցնելու ռիսկը։
Մասնավորապես, հաճախորդները կարող են ներդնել ավանդ 24 ամիս ժամկետով ու 10․5%(֏)|4.5%($)|2.5%(€) տոկոսադրույքով, և 7-րդ ամսից սկսած դադարեցնելու դեպքում կուտակված տոկոսագումարները կվերահաշվարկվեն բարձր՝ 10% (֏)|4% ($)|2% (€) տոկոսադրույքով։
Ավանդ ներդնել հնարավոր է Բիբլոս Բանկ Արմենիայի ցանկացած մասնաճյուղում, իսկ հայտը ձևակերպել կարելի է նաև առցանց տարբերակով։
Առաջարկը գործում է մինչև սեպտեմբերի 30-ը։ Մանրամասն տեղեկություններ կարելի է ստանալ Բանկի պաշտոնական կայքում։
