Ռուսաստանում տեղի ունեցածն ապստամբություն է. ինքը՝ Պուտինն է դա ապստամբություն որակել և դա, ըստ էության, փաստի արձանագրում է: Այս մասին «Առաջին լրատվական»-ի հետ զրույցում նշեց Հանուն Հանրապետության կուսակցության փոխնախագահ, քաղաքագետ Ռուբեն Մեհրաբյանը:
«Այս պահի դրությամբ իրավիճակն անկախանտեսելի է, որը ապակայունացման շատ մեծ ներուժ ունի: Թե դա որքանով կռեալիզացվի, կապրենք, կտեսնենք», -ասաց նա:
Անդրադառնլով նրան, որ ՌԴ նախագահն իր այսօրվա ուղերձում անընդհատ մեղադրանքներ ուղղեց Արևմուտքին, Մեհրաբյանն ասաց. «Դրանք հերթապահ մեղադրանքներ են, որոնց չպետք է լուրջ վերաբերվել, որովհետև դա հետևանք է այն հանցավոր պատերազմը, որը Ռուսաստանը բվարում է ընդդեմ Ուկրաինայի: Դա այդ պատերազմի ներքաղաքական անխուսափելի անդրադարձն է, ինչի մասին բազմիցս զգուշացրել ենք, որ դա կարող է բերել պետության փլուզման, իշխանության փլուզման, ինչի տարրերը Ռուսաստանում տեսնում ենք բավականին հստակորեն»:
Քաղաքագետը հավելեց, որ Պուտինի ուղերձում պաթետիկ ձևակերպումները հայրենասիրության ու դավաճանության մասին արժանի չեն լուրջ վերամունքի. «Ի վերջո, եթե պատմական զուգահեռ տանենք, ապա Պուտինն ինքն իրեն վերապահում է Նիկոլայ Երկրորդի դերը: Այդ զուգահեռները հաստատ Պուտինի օգտին չեն, ուղղակի իր այսօրվա ուղերձը վկայում էր Ռուսաստանի իշխանության մեջ տիրող խուճապի մասին, որը հիմքեր ունի: Մենք տեսնում ենք, որ առանց դիմադրության Պրիգոժինի զորքը քաղաքներ է գրվում: Դա դեռ չի խոսում այն մասին, որ ռազմական իշխանությունը Պրիգոժինի տրամադրության տակ է, բայց խոսում է այն մասին, որ ընդհանուր իշխանությունը երկրում խարխուլ է: Որքան էլ թվում է, թե կարծր է իշխանությունը և ունի շատ մեծ ռեպրեսիվ ներուժ, այնուամենայնիվ, չափազանց խոցելի է»:
