ՄԱԿ-ի գլխավոր քարտուղար Բան Կի Մունը սեպտեմբերի 11-ի ահաբեկչության 10-րդ տարվա նախօրեին հայտարարել է միջազգային ահաբեկչության դեմ պայքարելու Համընդհանուր կոնվենցիա ընդունելու մասին: Այս մասին հաղորդում է «Ազատություն» ռադիոկայանը: Այս մասին նա հայտարարել է Ավստրալիա այցելության ժամանակ:
ՄԱԿ-ի շրջանակներում ստորագրվել է ավելի քան 13 համաձայնագիր, որոնք առնչվում են ահաբեկչության դեմ պայքարին, ինքնաթիռների առևանգմանը, զանգվածային ոչնչացման զենքի օգտագործմանը, ահաբեկչության ֆինանսավորմանը: Սակայն վերջին տասը տարիների ընթացքում Համընդհանուր կոնվենցիայի ընդունման վերաբերյալ բանակցություները ամեն անգամ տապալվել են, երբ քննարկումը վերաբերել է ահաբեկչություն և ահաբեկիչ եզրույթներին:
Բան Կի Մունը նշել է, որ սա ափսոսանք է առաջացնում, և հայտարարել է, որ ոչ մի դեպքում ահաբեկչությունը չպետք է արդարացվի:
