Շվեյցարիայի Ցյուրիխ քաղաքում ակցիա է իրականացվել Թուրքիայի նախագահ Ռեջեփ Էրդողանի դեմ։ Ակցիայի մասնակիցները կախել են արտաքնապես էրդողանին նման խամաճիկ, այնուհետև վառել իսկ, իսկ պաստառներին գրված է եղել «Սպանել Էրդողանին»։
Այս կապակցությամբ Թուրքիայում Շվեյցարիայի արտակարգ և լիազոր դեսպան Ժան Դանիել Ռիչը կանչվել է Թուրքիայի ԱԳՆ։ Դեսպանը նշել է, որ այս քայլը դատապարտելի և անընդունելի է։ ԱԳՆ-ից պահանջել են դեպքի առնչությամբ հարցաքննություն սկսել։
Թուրքական մամուլն այս ակցիայի համար կրկին մեղադրել է «Քուրդիստանի բանվորական» կուսակցությանը (PKK), որը Թուրքիայում համարվում է ահաբեկչական կազմակերպություն։
«Արդարություն և զարգացում» կուսակցության (AKP-ԱԶԿ) խոսնակ Օմեր Չելիքն այս կապակցությամբ ասել է.
«Մենք դատապարտում ենք Շվեյցարիայում ահաբեկչական համարվող «Քուրդիստանի բանվորական» կուսակցության կողմնակիցների կողմից Թուրքիայի դրոշի և մեր նախագահ Էրդողանի դեմ ուղղված նողկալի հարձակումը։ Մենք խստորեն դատապարտում ենք, որ Շվեյցարիայի պաշտոնյաներն այս զազրելի արարքի վրա աչք են փակում»։
