ԱՄՆ արդարադատության նախարար Էրիկ Հոկդերը երեկ հայտարարել է, որ 91 կասկածյալների մեղադրանք է առաջադրվել բժշկական ապահովագրության Medicare համակարգում գործած խարդախությունների համար: համակարգին հասցված վնասը կազմել է 295 միլիոն դոլար: Այս ամսին հաղորդում է CNN-ը:
Նրա խոսքերով` ձերբակալվածների մեծ մասը դուրս են գրել չեկեր՝ տրամադրված ծառայությունների համար, կամ էլ պահանջել են համակարգից՝ փոխհատուցել թանկարժեք և անիմաստ բուժումների համար: Նշվում է, որ քրեական այս համակարգում եղել են բժշկական տարբեր ոլորտների ներկայացուցիչներ` ծերերին խնամող դայակներից մինչև ապահովագրական կազմակերպությունների ներկայացուցիչներ: Հոլդերը նշել է, որ սա ոչ միայն հարկատուների միջոցների հափշտակություն է, այլ նաև բժշկական ապահովագրության ազգային համակարգի խափանում:
Հիշեցնենք, որ Medicare համակարգում խարդախությունների համար ձերբակալվածների մեջ եղել են նաև հայեր, այդ թվում` «օրենքով գող» Պզոն: Ձերբակալություններն իրականացվել էին մի քանի քաղաքներում` Լոս Անջելես, Մայամի, Նյու Յորք, Դեթրոյթ և այլն:
