Վերամբարձ կռունկը շրջվել է Վաշինգտոնի Ազգային տաճարի շինություններից մեկի վրա: Ինչպես հաղորդել է տաճարի ներկայացուցիչ Ռիչարդ Վայնբերգը, կռունկի շրջվելու պատճառն ուժեղ քամին է: Այս մասին հաղորդում է Associated Press գործակալությունը:
Տուժածների մասին չի հաղորդվում: Հայտնի է դարձել, որ կռունկն ընկել է հուշանվերների խանութի շենքի վրա: Այն նաև հարվածել է այն շենքին, որտեղ ապրում են եպիսկոպոսության ներկայացուցիչները: Կռունկը, որի օգնությամբ նախատեսվում էր վերացնել վերջերս ԱՄՆ արևելյան ափում տեղի ունեցած երկրաշարժի հետևանքները, այստեղ էր բերվել հանգստյան օրերին: Երկրաշարժից շենքում ճաքեր էին առաջացել, իսկ վերին մասում փլուզվել էին մի քանի սյուներ: