2020-ի պատերազմից հետո լուրջ փաստահավաք գործ է արվել, դաժան պատմություններ են: «Առաջին լրատվական»-ի հետ զրույցում նշեց ԱՄՆ Կալիֆոռնիա նահանգի բարձրագույն դատարանի դատավոր Կասյա Աբգարյանը:
Աբգարյանի խոսքով` Փաստահավաքի նպատակն է` թույլ չտալ, որ մեր պատմությունը վերաշարադրվի, հաղթողները չորոշեն պատմությունը. «Մեր անմիջական նպատակը 44-օրյայի վերաբերյալ ամբողջ փաստագրումները հայցի վերածելն է: Պետք է տարանջատել ճշմարտությունն ու քաղաքականությունը. Ճշմարտության պարագայում Հայաստանը հաղթել է: Լաչինի հարցով դատարանում ունեցանք ճշմարտության հաղթանակ, բայց քաղաքական հաղթանակ դեռ չունենք: Ալիևը ամեն օր իր հռետորաբանությամբ խախտում է Հաագայի որոշումը: Պետք է բարձրացնել` եթե Ալիևը չի կատարում Հաագայի վճիռը, ինչպես է ընդդեմ Հայաստանի հայց ներկայացնում նույն դատարանում»:
Աբգարյանը կարևոր չի համարում միջազգային դատարաններում կհաղթենք, թե ոչ, դիմելը պարտադիր է, հակառակորդը փող է ծախսում. «Ժամանակը ՀՀ կողմն է, ոչ թե Ադրբեջանի. Ոչ թե զենքով, այլ օրենքով պետք է պայքարենք ու հաղթենք: Եթե Հայաստանը միանում է ՄՔԴ-ին, չի նշանակում, որ Պուտինը եկավ Հայաստան կձերբակալեն: Սուվերեն երկրի իրավունքները ավելի բարձր են, քան ՄՔԴ-ին միանալը: Հռոմի ստատուտի վավերացումը մեզ համար գործիք է, այն կարող ենք օգտագործել ի շահ մեզ»:
