Թուրքիայի արտգործնախարար Մևլութ Չավուշօղլուն «HaberTürk TV»-ի հետ զրույցի ընթացքում անդրադարձել է «Զանգեզուրի միջանցքին» և մի քանի օր առաջ Տեղ գյուղում տեղի ունեցած ադրբեջանական սադրանքին: «Ի վերջո, այս լարվածությունը մի կողմ թողնելով, անհրաժեշտ է ժամ առաջ համապարփակ խաղաղության պայմանագիր ստորագրել, ինչպես նաև կառուցել այդ անցումները, ճանապարհները, որոնք նաև Հայաստանի օգտին են, բոլորիս օգտին են», – ասել է Չավուշօղլուն։
«Իրանն էլ նախկինում իր տարածքով դեպի Նախիջան կապուղիների կառուցման միտք ուներ։ Իրականում մենք դրան էլ ենք աջակցում, քանի որ մշտապես տարբեր այլընտրանքներ պետք է լինեն։ Մի տեղին կապված լինելը ռիսկային է, այլընտրանքներ պետք է լինեն։ Այսինքն, այս ծրագրի իրականացումը, Հայաստանի գլխավորությամբ, բոլորի օգտին է», – հավելել է Չավուշօղլուն։
Հաղորդում է «Ermenihaber.am»-ը։
