ԱՄՆ արդարադատության նախարարությունը հետաքննություն է սկսել Պենտագոնի գաղտնի փաստաթղթերի հնարավոր բացահայտման կապակցությամբ։ Պենտագոնում նույնպես ներքին հետաքննություն է ընթանում։ Այս մասին գրում է «Deutsche Welle»-ն։
Համաձայն տարածված տեղեկությունների, սոցիալական հարթակներում տարածվել են հարյուրավոր փաստաթղթեր, որոնք պարունակում են տեղեկություններ՝ կապված ԱՄՆ-ի և ՆԱՏՕ-ի կողմից Ուկրաինային ցուցաբերվող օգնության հետ։
Երեք բարձրաստիճան պաշտոնյաներ անանունության պայմանով «Reuters»-ին հայտնել են, որ այս արտահոսքի հետևում հավանաբար ռուսամետ տարրեր են կանգնած:
Փաստաթղթերը թվագրված են այս տարվա փետրվարի 23-ից մարտի 1-ն ընկած ժամանակահատվածում և նշվում են գաղտնի։ Ներառում է մանրամասն տեղեկատվություն Ուկրաինային սպառազինությունների և այլ սարքավորումների առաքման և ժամանակացույցի վերաբերյալ:
Ըստ անանուն աղբյուրի՝ այդ փաստաթղթերը խմբագրվել են, իսկ ռուսական կողմի զոհերի թիվը միտումնավոր կրճատվել է։ Այս փաստաթղթերից մեկում զոհված ռուս զինվորների թիվը 16000-ից 17500 է, մինչդեռ ԱՄՆ իշխանությունները պաշտոնական հայտարարություններում խոսում են 200 000 զոհվածների մասին։
Ուկրաինան բացառում է իր կողմից տեղեկատվության արտահոսքը և հայտարարում, որ ռուսական հատուկ ծառայությունների վերջին տարիների ամենահաջող գործողություններն իրականացվել են ֆոտոշոփով։ Ուկրաինայի նախագահի աշխատակազմի գլխավոր խորհրդական Միխայիլ Պոդոլյակի խոսքով՝ այդ փաստաթղթերը պարունակում են մեծ քանակությամբ շինծու տեղեկատվություն։ Սրանք ռուսական հետախուզության կողմից շահագործվող խաղերի ստանդարտ տարրեր են և ոչ ավելին»,- ասում է Պոդոլյակը։
