Իրանի պաշտպանության նախարար Ահմադ Ուահիդին տեղական հեռուստաընկերության եթերում սենսացիոն հայտարարություն է արել: Նրա խոսքերով` Իրանի Իսլամական Հանրապետության տարածքը շատ ավելին է, քան ենթադրվում էր նախկինում: Ինչպես հայտնում է mignews.com-ը, ըստ նախարարի, Իրանի տարածքը մեծացել է 14%-ով:
Պաշտոնապես ԻԻՀ տարածքը կազմում է 1.648.195 քառակուսի կիլոմետր, սակայն Ուահիդին հայտարարել է, որ Իրանի տարածքն իրականում կազմում է 1.873.959 քառակուսի կիլոմետր և այսուհետ պետք է հենց այս թիվը կիրառել:
Նախարարը չի պարզաբանել, թե ինչպես և որ երկրի հաշվին է Իրանի տարածքն աճել 225.764 քառակուսի կիլոմետրով:
