Անցած օրվա ընթացքում ռուսները 20 անգամ ռմբակոծել են Խերսոնի շրջանը, ինչի հետևանքով զոհվել է մեկ մարդ։ Խերսոնի տեղական ինքնակառավարման մարմինների տվյալներով՝ ռուսական օկուպացիոն ուժերը շրջանի ուղղությամբ արձակել են ավելի քան 130 արկ ականանետերից, ռեակտիվ համակարգերից, հրետանուց և տանկերից։
Շփման գծի մերձակայքում գտնվող ավելի քան 30 բնակավայր հրետակոծությունից տուժել են Խերսոնի և Զապորոժիեի շրջանները։ Ուկրաինական բանակի գլխավոր շտաբի տեղեկատվության համաձայն՝ ռուսական օկուպացիոն ուժերն իրենց հիմնական ջանքերն են գործադրում հարձակողական գործողություններ իրականացնելու Լիմանի, Բախմուտի, Ավդեևկիի և Մարինկիի ուղղությամբ։
Ուկրաինական բանակը հետ է մղել հակառակորդի ավելի քան 70 հարձակում։ Կիևում ասում են, որ ռուս զինվորականները ինտենսիվ հարձակում են իրականացնում Բախմուտի ուղղությամբ և փորձում են քաղաքը լիովին վերահսկողության տակ դնել։ Ուկրաինացի զինվորները Բախմուտում հետ են մղել ավելի քան 20 հարձակում։
