Ադրբեջանական Trend լրատվական գործակալության փոխանցմամբ՝ CNN Türk-ին տված հարցազրույցի ժամանակ Թուրքիայի էներգետիկայի ու բնական պաշարների նախարար Թաներ Յըլդըզը նշել է, որ Թուրքիային գազ մատակարարող երկրները պետք է նվազեցնեն գազի գինը.
«Մենք պետք է վերանայենք մեզ մատակարարվող գազի գինը։ Թուրքիան գազ է ներկրում Ադրբեջանից, Իրանից ու Ռուսաստանից։ Այս տարվա առաջին 7 ամիսներին Թուրքիան տարբեր տեղերից ներկրել է մոտ 22.2 միլիարդ խորանարդ մետր բնական գազ։ 2010 թվականին այդ ցուցանիշը կազմել է 32.5 միլիարդ խորանարդ մետր, իսկ 2009 թվականին՝ 33.62 միլիարդ խորանարդ մետր գազ»։
Հիշեցնենք, որ օգոստոսի վերջին Reuters գործակալությանը տված հարցազրույցի ժամանակ Թաներ Յըլդըզը հայտարարել էր, որ Ադրբեջանն ու Ռուսաստանը պետք է նվազեցնեն Թուրքիային հատկացվող գազի գինը.
«Ռուսական «Գազպրոմ»-ը, փոխանակ նվազեցնի մեզ մատակարարվող գազի գինը, վերջին 29 ամիսների ընթացքում 39 տոկոսով բարձրացրել է այն։ Մենք ցանկանում ենք մինչև սեպտեմբերի վերջ ստորագրել Ադրբեջանի հետ նոր գազային համաձայնագիրը»։