Ռուսաստանի միջուկային ոլորտի դեմ Եվրամիության պատժամիջոցներ սահմանելու Լեհաստանի և Բալթյան երկրների առաջարկները մերժվել են այն պատճառով, որ Հունգարիան դեմ է հանդես եկել դրանց։
Այդ մասին տեղեկանում ենք «РИА Новости» գործակալությունից: Հաղորդվում է, որ առանձին եվրոպական երկրներ մեծապես կախված են Ռուսաստանից միջուկային վառելիքաձողերի մատակարարումներից, սակայն փորձում են այլ մատակարարներ գտնել։ Ինչպես նշում է Politico հրատարակությունը՝ վկայակոչելով իր աղբյուրներին, Հունգարիան դեմ Է հանդես գալիս «Ռոսատոմի» դեմ որևիցե պատժամիջոցի՝ հաշվի առնելով նաև այն, որ երկրում ընթանում Է ռուսական ընկերության հետ համատեղ միջուկային ռեակտորների կառուցում։
Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն նախօրեին հայտարարել էր, որ «Ռոսատոմ» ռուսական պետական կորպորացիան ատոմային ճյուղում աշխարհի խոշորագույններից մեկն է, ուստի դրա դեմ պատժամիջոցները կսպառնային գլոբալ միջուկային անվտանգությանը։ Նա նաև հայտարարել էր, որ Հունգարիան չի պաշտպանի ցանկացած պատժամիջոց, որը կսահմանափակի Ռուսաստանի հետ համագործակցությունն ատոմային էներգետիկայի բնագավառում։ ՌԴ-ում քանիցս հայտարարել են, որ երկիրը կհաղթահարի պատժամիջոցներով ճնշումը, որը Արևմուտքը մի քանի տարի առաջ սկսել է գործադրել Ռուսաստանի վրա և շարունակում է խստացնել։
Մոսկվայում նշել են, որ Արևմուտքի համարձակությունը չի ներում ընդունել ՌԴ-ի դեմ պատժամիջոցների ձախողումը։ Հենց արևմտյան երկրներում մի շարք կարծիքներ են հնչել, որ հակառուսական պատժամիջոցներն անարդյունավետ են։ ՌԴ նախագահ Վլադիմիր Պուտինն ավելի վաղ հայտարարել էր, որ Ռուսաստանին զսպելու և թուլացնելու քաղաքականությունն Արևմուտքի երկարաժամկետ ռազմավարությունն է, իսկ պատժամիջոցները լուրջ հարված են հասցրել ողջ համաշխարհային տնտեսությանը։
