Թուրքիայի Հաթայ նահանգում ավերիչ երկրաշարժից 181 ժամ անց փլատակներից ողջ են դուրս բերել երկու անչափահաս եղբայրների։ Անթաքիայում փրկվել են ութամյա Հարուն Շերիֆօղլուն և տասնհինգամյա Էյուֆան Շերիֆօղլուն։ Տուժածները հոսպիտալացվել են։
Անադոլու գործակալության թղթակցին հաջողվել է զրուցել փրկված երեխաների հորեղբոր՝ Ռամազան Շերիֆօղլուի հետ։ «Երբ մենք լսեցինք այդ մասին, մոռացանք աշխարհում ամեն ինչի մասին: Մենք ուրախ ենք, չնայած այն հանգամանքին, որ վերջերս հուղարկավորեցինք նրանց մորը, որը մահացել էր երկրաշարժի ժամանակ։ Նրանց հայրն էլ հիմա փլատակների տակ է»,- ասել է տղամարդը։
Վերջին տվյալներով՝ Թուրքիայի Ղահրամանմարաշ քաղաքում տեղի ունեցած ավերիչ երկրաշարժի զոհերի թիվը գերազանցել է 31,6 հազարը։
