Նիդերլադներում հեռուստաշոուի հաղթող է դարձել Հայաստանից արտագաղթած, ազգությամբ քուրդ, 18-ամյա Գյուլիստանը: Այս շոուն կոչվել է Weg Van Nederland (սա բառախաղ է, որը կարող է նշանակել և՛ «Նիդերլանդներից դուրս», և՛ «Կեցցե՛ Նիդերլադները»): Այն անցկացվում է այդ երկրում ապաստանի իրավունք չստացած և երկիրը մինչև տարվա վերջ լքողների միջև:
Քյուլիստանը 18 տարեկան է և ընտանիքի հետ Նիդերլանդներ է տեղափոխվել 11 տարի առաջ: Որպես Հայաստանը լքելու պատճառ՝ Գյուլիստանի ընտանիքը նշել էր Հայաստանի բանտերից մեկում նրանց եղբոր սպանությունը: Մի քանի ամիս առաջ Գյուլիստանը ստացել էր այդ երկրում մնալու մերժում և ստիպված է լքել երկիրը: Այս մասին հաղորդում է «Ազատություն» ռադիոկայանը:
Շոուի հեղինակները նպատակ ունեն ցույց տալու, թե ինչից է զրկվում Նիդերլանդները նման խելացի մարդկանց արտաքսելով: Շոուն ինտելետուալ է և վերաբերում է այդ երկրի մշակույթին ու պատմությանը: Շոուի մրցանակային ֆոնդը կազմում է 5,700 դոլար: Սակայն մրցանակը Գյուլիստանը կարող է ստանալ միայն այն ժամանակ, երբ վերադառնա Հայաստան:
Այսպիսին է մրցույթի գլխավոր պահանջներից մեկը: Բացի գումարից, Գյուլիստանը նաև նվեր է ստացել զրահաբաճկոն, ինչը, ըստ հեղինակների, պետք է ցույց տա, թե ինչ երկրներ են վերադառնում Նիդերլանդներից արտաքսվողները: Գյուլիստանի հետ մրցույթին մասնակցել են նաև Չեչնիայից և Կամերունից արտագաղթյալներ: Այս մասին հաղորդում է Boston.com կայքը:
