ԵՄ առաքելությունը պետք չէ գերագնահատել, ոչ էլ թերագնահատել, բայց այն չի լուծելու մեր խնդիրները: «Առաջին լրատվական»-ի հետ զրույցում նշեց քաղաքագետ Ռոբերտ Ղևոնդյանը:
Ղևոնդյանի համար ՌԴ արձագանքը ԵՄ առաքելության տեղակայմանը սպասելի էր. «Ռուսաստանը չի խաղում այնպես, ինչպես առաջադեմ երկրները: Այնպես չէ, որ Մոսկվան կամ Բրյուսելը ցանկանում են խաղաղություն, շահերից բխող քաղաքականություն է: Բրյուսելը պատերազմի օրակարգ չի սերմանում, իսկ Ռուսաստանի դեպքում հակառակն է: Չեմ կարծում, որ ՌԴ-ն կարծում է, որ ԵՄ-ն խաղում է ԱՄՆ-ից անջատ: Լավ կլիներ` Արևմուտքն ու ՌԴ-ն ունենային խաղաղության օրակարգ մեր տարածաշրջանի համար: Հայաստանը գնացել է հնարավորության հետևից, բայց որևէ երաշխիք չկա, որ ԵՄ առաքելությունը կզսպի Ադրբեջանին»:
