Թուրքիան ՆԱՏՕ-ին խնդրել է վերջ դնել «հունական սադրանքներին»

ՆԱՏՕ-ն պետք է վերջ դնի Աթենքի սադրանքներին Անկարայի դեմ, հայտարարել է Թուրքիայի ազգային պաշտպանության նախարար Հուլուսի Աքարը։ Նա նշել է, որ Հունաստանի իշխանությունները ապօրինություններ են անում՝ նկատի ունենալով Էգեյան ծովի արևելյան հատվածում գտնվող հունական կղզիների ռազմականացումը։

Թուրքիայում կարծում են, որ այդ գործընթացը պետք է դադարեցվի։ Աքարն ընդգծել է, որ Անկարան կողմ է ջրային տարածքը բարեկամության գոտու վերածելուն, հաղորդում է Anadolu գործակալությունը։

«Աթենքն անօրինություն է անում։ ՆԱՏՕ-ն պետք է նման գործողություններին վերջապես ասի «stop»։ Թուրքիան կողմ է Էգեյան և Միջերկրական ծովերը բարեկամության գոտու վերածելուն: Հունաստանը պետք է հրաժարվի իր անզիջողական դիրքորոշումից և դասեր քաղի պատմությունից», ասել է նախարարը։