Միացյալ ազգերի կազմակերպության գլխավոր քարտուղար Բան Կի Մունը սեպտեմբերի 13-ին մեկ ժամվա ընթացքում կպատասխանի համացանցի օգտատերերի հարցերին, որոնք վերաբերում են կազմակերպության գործունեությանը և միջազգային խնդիրներին: Այս մասին հաղորդում է ITAR-TASS գործակալությունը` հղում կատարելով ՄԱԿ-ի մամուլի ծառայությանը:
Հարցազրույցը տեղի կունենա այսօր, ժամը 19:00-20:00-ը՝ առցանց ռեժիմով՝ Twitter միկրոբլոգերի կայքում և Facebook սոցիալական ցանցում: Յուրաքանչյուր օգտատեր կարող է ՄԱԿ-ի աշխատանքային 6 լեզուներից մեկով` արաբերեն, անգլերեն, ֆրանսերեն, իսպաներեն, ռուսերեն, չինարեն, ինչպես նաև՝ պորտուգալերեն և սուախիլի լեզվով հարց ուղղել ՄԱԿ-ի գլխավոր քարտուղարին: