Մոլդովայի նախագահ Մայա Սանդուն և ԱՄՆ-ի Էներգետիկայի նախարար Ջենիֆեր Գրենհոլմը հանդիպման ժամանակ քննարկել են Մոլդովայում էներգետիկ ճգնաժամը հաղթահարելու համար ԱՄՆ-ի օգնության հնարավոր տարբերակները: Այս մասին «Интерфакс»-ը տեղեկացել է Մոլդովայի ղեկավարի մամուլի ծառայությունից:
«Մոլդովան ԱՄՆ-ի օգնությունն Է ակնկալում Էներգետիկ ճգնաժամը հաղթահարելու նպատակով, որին երկիրը ներկայումս բախվում Է», – հայտարարել Է Սանդուն:
Նա շնորհակալություն Է հայտնել 80 մլն դոլարի օգնության համար, որը Մոլդովային խոստացել Է Միացյալ Նահանգները ճգնաժամը հաղթահարելու համար:
Մոլդովայի նախագահի խոսքով՝ հանրապետության Էներգետիկ անվտանգության վրա լրջորեն ազդում են Ուկրաինայի դեմ ՌԴ-ի ռազմական գործողությունները, ինչն «արտահայտվում Է Էներգակիրների բարձր գներով, ինչպես նաև Էներգակիրներից օգտվելու հնարավորության սահմանափակմամբ»:
«Մենք գործընկերների աջակցության կարիքն ունենք ենթակառուցվածքի ստեղծման համար՝ եվրոպական Էներգացանցերին միանալու նպատակով, Էներգիայի աղբյուրների դիվերսիֆիկացման և կանաչ Էներգիայի զարգացման, ինչպես նաև Էներգիայի արտադրության գործընթացի վերաիմաստավորման, պահպանման և սպառման համար», – նշել Է Մոլդովայի նախագահը:
