Սիրիան հրաժարվել է Ատոմային էներգիայի միջազգային գործակալության (ՄԱԳԱՏԵ) հետ ատոմային գաղտնի ծրագրի շրջանակներում համագործակցություն ծավալել: Այս մասին հայտնում է Associated Press-ը ` հղում անելով սիրիացի դիվանագետների խոսքերին, ովքեր ցանկացել են անհայտ մնալ:
Նրանց խոսքերով Սիրիան չի կարող տալ հավելյալ տեղեկություններ այն մասին, թե իբր երկրում կառուցվում է ատոմային նոր ռեակտոր:
Հիշեցնենք, որ ՄԱԳԱՏԵ-ն Սիրիայում ատոմային նոր ռեակտորի կառուցման հարցը 2011թ-ի հունիսին բարձրացրել էր ՄԱԿ-ի անվտանգության խորհրդում: Դրա համար պատճառ էր հանդիսացել այն տեղեկությունը, որ Սիրիան ունի ատոմային գաղտնի ծրագիր, որի շրջանակներում նախատեսում է կառուցել նոր ռեակտոր: Ավելի ուշ Սիրիայի կառավարությունը որոշ տեղեկություններ էր տվել նոր ռեակտորի մասին, որը, ըստ գործակալության տվյալների, կառուցվում է 2007թ-ին Իսրայելի կողմից ռմբակոծված ռազմաբազայի տեղում:
