Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընը անդրադարձել է հայ-թուրքական հարաբերությունների կարգավորման ներկա ընթացքին։ Պատասխանելով հարցին, թե հարաբերությունների կարգավորման փուլերում Հայաստանի հետ խնդիրներ եղե՞լ են, նա պատասխանել է. «Մեր հատուկ ներկայացուցիչները պարբերաբար քննարկել են այդ հարցերը:
Դրական գործընթաց է ընթանում: Անձնագրերը, թույլտվությունները, և այլն, հնարավոր քայլեր են, որոնք անհրաժեշտ է իրականացնել մոտ ապագայում։ Անցյալ տարվա օգոստոսին որոշ սադրանքներ եղան, Ադրբեջանը քայլեր ձեռնարկեց։ Հիմա ամեն ինչ լավ է ընթանում։ Որոշումների գործընթացը սկսվել է, սա շատ կարևոր է։ Ստեղծվել են շփումներ, որոնք չեն հաստատվել 30 տարի, սա շատ կարևոր է։ Հանդիպել են մեր երկրի նախագահն ու Հայաստանի վարչապետը։ Հիմա առաջին անգամ նման մակարդակի բան է տեղի ունեցել»։