Ճապոնիայի վարչապետ Ֆումիո Կիսիդան, հանդես գալով Կամբոջայում անցկացվող Արեւելաասիական գագաթնաժողովում, Չինաստանին մեղադրել Է Արեւելա-Չինական ծովում Տոկիոյի սուվերենությունը խախտող գործողությունների մեջ: Այդ մասին, գրում Է Kyodo-ն:
Հրատարակությունը ճշտում Է, որ, ըստ երեւույթին, Կիսիդան նկատի ուներ ՉԺՀ-ի նավերի մուտքը Սենկակու կղզու (չինական անվանումը՝ Դյաոյուդաո) մերձակա ջրեր, կղզեխումբ, որի պատկանելությունը վիճարկում են Չինաստանը եւ Ճապոնիան: Ճապոնիայի ղեկավարը նաեւ հայտարարել Է, որ Թայվանի շուրջ կայունությունը կարեւոր հարց Է, որն ազդում Է տարածաշրջանի անվտանգության վրա:
Օգոստոսին ՉԺՀ-ն Թայվանի շուրջ զորավարժությունների շրջանակներում արձակել Է բալիստիկ հրթիռներ, որոնք ընկել են ճապոնական Օկինավա պրեֆեկտուրային պատկանող Ռյուկյու կղզեխմբի Հատերումա կղզուց դեպի հարավ-արեւմուտք: Ավելի վաղ հուլիսին Ճապոնիան բողոք Էր ներկայացրել ՉԺՀ-ին առափնյա պահպանության չինական երկու նավերի՝ Սենկակու արշիպելագի մերձակա ջրեր մտնելու կապակցությամբ: Դրանից առաջ Ճապոնիայի պաշտպանության նախարարությունը հաղորդել Էր, որ չինական ֆրեգատը գտնվել Է «ճապոնական ջրերի սահմաններից դուրս», հաղորդել Է «Ինտերֆաքս»-ը:
