Ղազախստանի նախագահ Կասիմ-Ժոմարտ Տոկաևն անձամբ չի մասնակցի նոյեմբերի 11-ին կայանալիք նախագահական ընտրությունների թեկնածուների հեռուստաբանավեճերին։
Նրա անունից բանավեճին կմասնակցի նախընտրական շտաբի ղեկավար, խորհրդարանի ստորին պալատի խոսնակ Երլան Կոշանովը։ Այդ մասին հայտնել է Ղազախստանի ԿԸՀանդամ Անաստասիա Շչեգորցովան։
Նրա խոսքով՝ հեռուստաբանավեճերին կմասնակցեն բոլոր թեկնածուները, բացի Տոկաևից։ Քննարկման մեջ նրան կներկայացնի Կոշանովը, ով նաև իշխող «Ամանաթ» կուսակցության նախագահն է։ Բանավեճը կանցկացվի «Khabar» հեռուստաալիքի ուղիղ եթերում։