Հայտնի դերասան Սթիվեն Սիգալի կողմից նկարահանվող «Օրինապաշտ քաղաքացի» հաղորդաշարի հերթական նկարահանումներն ավարտվել են աղմկահարույց միջադեպով:
Սիգալի հեղինակային հեռուստաշոուն նկարահանվել է Արիզոնաում` Սանչես Լովերայի ռանչոյում, երբ վերջինիս պնդմամբ, Սիգալն ու ոստիկանները ներխուժել են իր տուն և մեղադրել նրան աքլորամարտեր կազմակերպելու մեջ: Երբ տան տերը պնդել է, որ անմեղ է, Սիգալը և ոստիկանները սպանել են իր 11-ամսյա շանը և 100 աքլորներին: Այս ամենը նկարահանվել է տեսախցիկով: Այժմ Սանչեսը դատարան է դիմել և մեղադրել Սիգալին անտակտության ու անպատասխանատվության մեջ` պահանջելով նրանից ու ոստիկաններից 110 հազար դոլար` որպես բարոյական վնասի հատուցում:
Սթիվեն Սիգալի հեղինակային «Օրինապաշտ քաղաքացի» հեռուստաշոուի նպատակը ամերիկյան ոստիկանության աշխատանքի գովաբանումն է: Սիգալն ամեն անգամ ոստիկանների հետ հայտնվում է տարբեր վայրերում, որտեղ ցուցադրում է, թե ինչպես են իրավապահները կատարում իրենց պարտականությունները:
