Առաջիկայում Կառավարությունը կընդունի Արտաքին հետախուզական ծառայություն ստեղծելու մասին որոշում

2023թ. Հայաստանում կստեղծվեն Ներքին գործերի նախարարություն եւ Արտաքին հետախուզության ծառայություն։ Այս մասին Ազգային ժողովում, խորհրդարանական մշտական հանձնաժողովների համատեղ նիստում, 2023թ. պետական բյուջեի նախագծի քննարկման ժամանակ, նոյեմբերի 2-ին ասել է վարչապետ Նիկոլ Փաշինյանը։

Կառավարության ղեկավարի խոսքով՝ երկու օրենսդրական փաթեթներն առաջիկայում կարժանանան կառավարության հավանությանը, ինչից հետո կուղարկվեն Ազգային ժողովի դիտարկմանը։