Օրերս արդարադատության նախարարությունում քննարկում է եղել ոստիկանության զորքերի ռեֆորմի ու Ազգային գվադիայի ստեղծման մասին:
Ոստիկանության ազգային գվարդիան ընդգրկելու է ոստիկանության զորքերը, պետական պահպանության գլխավոր վարչությունը և ուղեկցող գումարտակները: Գվարդիան սպասարկելու է հասարակական կարգի պահպանությունը և անվտանգության ապահովումը, պետական և կարևորագույն նշանակության օբյեկտների պահպանությունը, հատուկ բեռների տեղափոխման անվտանգության ապահովումը, բարձրաստիճան պաշտոնատար անձանց անվտանգության ապահովումը։ Գվարդիան աջակցելու է նաև պետական արարողակարգով նախատեսված օտարերկրյա պատվիրակությունների, ներկայացուցիչների անվտանգության ապահովմանը։
«Իրազեկ քաղաքացիներ միավորում» ՀԿ համակարգող Դանիել Իոաննիսյանը, որը մասնակցել է այս քննարկմանը, «Առաջին լրատվական»-ի հետ զրույցում նշեց, որ քննարկմանը շատ պրոդուկտիվ է եղել։ «Առաջին լրատվական»-ի հետ զրույցում Իոաննիսյանը նշեց, որ ժամանակացույցի առումով հստակ չէ, թե երբ կյանքի կկոչվեն այս փոփոխությունները, քանի որ նախապես նշված ժամկետները վաղուց անցել են։
«Ամեն դեպքում, հստակ է, որ պրոցեսն ընթանում է, և մի շարք հարցերի հետ կապված ընդհանուր պատկերացում և կոնսենսուս կա։ Մասնավորապես կա կոնսենսուս, որ ծառայողները չեն վերանշանակվելու, այլ ատեսատավորում են անցնելու կամ քննություն, և ով անցնի, նա էլ վերանշանակվելու է, խոսքը վերաբերում է ոստիկանության զորքերի և պետական պահպանության գլխավոր վարչության ծառայողներին։ Եվ կան կոնսենսուս, որ ռեֆորմում հիմնական շեշտը պետք է դրվի կադրերի կրթության վրա։ Նախկինում տեսել ենք բազմաթիվ դեպքեր, երբ ոստիկանության զորքերը նորմալ չեն տիրապետում հատուկ միջոցներին։ Եթե ոստիկանության զորքերի ծառայողները կիրառում են հատուկ միջոց, որից իրենք էլ տուժում են, ուրեմն խնդիր կա»,-ասաց Իոաննիսյանը։
Նրա խոսքով՝ ըստ էության՝ նշմարվում է այն, թե ինչ է անելու ազգային գվարդիան։ Զանգվածային միջոցառումների ժամանակ, թե ինչ է անելու ազգային գվարդիան, քիչ թե շատ պարզ է, բայց թե ինչ է անելու պատերազմի, համաճարակների, երկրաշարժերի և ահաբեկչությունների ժամանակ, թե ինչ պետք է անի, ինչ կարողություններ պետք է ունենա, պարզ չէ։
«Մենք հիմա ԶՈւ-ում այնպիսի խնդիր ունենք, որ զորամասերի հրամանատարները ունեն տարբեր իրավիճակներում գործելու պլաններ, որոնց իրենք էլ չեն տիրապետում, դրանք սեյֆի մեջ փակ ծրարով դրված պլաններ են։ Եվ պատերազմական իրավիճակում ստանում են, օրինակ, համար 3 ծրարը, տեսնում են այնտեղ ինչ պլան է գրված, և սկսում այդ պլանով գործել։ Բայց խնդիրն այն է, որ իրենք նախապես պատրաստված չեն և իրենց ստորաբաժանումները ոչ միշտ է, որ ունեն այն կարողությունները, որ, օրինակ, համար 3 պլանով գործեն։Ս ա լուրջ ծխնդիր է, որին նաև 44-օրյա պատերազմի ժամանակ Հայաստանն առերեսվեց, և պետք է դա լուծվի։ Զորամասի ծառայողների կարողությունները համընկնեն նրա հետ, թե ինչ կարող են նրանք անել այս կամ այն իրավիճակում։ Ենթադրենք, վաղը մեծ երկրաշարժ է լինելու, ինչ է անելու ազգային գվարդիան։ Մասնակցելու է փլատակների տակից մարդկանց հանելուն։ Իմ կարծիքով՝ դրանով տրամաբանական է, որ զբաղվի նաև ազգային գվարդիան, բայց մեր ոստիկանական զորքերի ծառայոցներից քանի՞սը գիտեն մարդկանց փլատակների տակից ճիշտ հանել»,-ասաց Իոաննիսյանը։
Նա նշեց, որ այս ուղղությամբ ոչինչ չի արվել, բայց իշխանությունների մոտ կա այդ փոփոխություններն անելու կամք, և այս փոփոխությունները խիստ անհրաժեշտ են։
