Ինչպես տեղեկացնում է Աթենքի «Հայաստան» լրատու ցանցը, Հունաստանի խորհրդարանում 10 պատգամավոր ունեցող «Հունական լուծում» կուսակցությունը Հունաստանի խորհրդարանի նախագահին դիմել է առաջարկով՝ ՀՀ նախագահ Վահագն Խաչատրյանին բանախոսելու համար Հունաստանի խորհրդարան հրավիրել:
Պատգամավորական խմբի բոլոր անդամների կողմից դիմումը ստորագրել է կուսակցության նախագահ Կիրիակոս Վելոպուլոսը:
Ստորեւ դիմումը թարգմանաբար ներկայացնում ենք ամբողջությամբ.
«Մեծարգո պարոն նախագահ,
Մեր երկրի հարաբերությունները համակրոն Հայաստանի հետ բարեկամական են եւ հավերժական: Մենք միաժամանակ երկու ժողովուրդ ենք, որոնք ենթարկվել են թուրքերի վայրագություններին:
Հիշեցնում ենք, որ Հունաստանի խորհրդարանը չափազանց զգայունություն ցուցաբերեց Ուկրաինայի հարցում եւ Ուկրաինայի նախագահ պարոն Զելենսկիին հրավիրեց ելույթ ունենալ խորհրդարանի պալատի լիագումար նիստում:
Ուստի դիմելով խորհրդարանի նախագահությանը խնդրում ենք, Հայաստանի Հանրապետության նախագահ պարոն Խաչատրյանին համապատասխան կարգով հրավիրել Հունական խորհրդարանի լիագումար նիստում ելույթ ունենալ»: