Ռուսաստանի Տյումենի մարզում երեկ մեղադրական դատավճիռ է կայացվել Հայաստանի երեք քաղաքացիների` 26-ամյա Գևորգ Բազոյանի և Սուրեն Մելքոնյանի, 28-ամյա Ասքանազ Պողոսյանի նկատմամբ, որոնք մեղադրվում էին ծեր կնոջ սպանելու մեջ: Այս մասին հաղորդում է Regnum գործակալությունը:
Քննությունը պարզել է, որ Բազոյանը Նոր Զայիմկա գյուղում բնակվել է մի ծեր կնոջ տանը և իմացել, որ վերջինս որոշակի խնայողություններ ունի: Բազոյանը ՀՀ երկու այլ քաղաքացու առաջարկել է գողանալ նրա ունեցվածքը: Նրանք ներխուժել են տատիկի տուն, սկսել են փնտրել գումարը։ Աղմուկից տատիկը արթնացել է: Դատապարտվածները սկսել են նրան ծեծել՝ պահանջելով ասել գումարի տեղը: Ստացած վնասվածքներից ծեր կինը մահացել է: Արդյունքում գողերը հայտնաբերել են 2,650 ռուբլի գումար:
Դատարանը որոշել է Գևորգ Բազոյանին դատապարտել 12 տարվա, Սուրեն Մելքոյանին 9 տարի 6 ամսվա, իսկ Ասքանազ Պողոսյանին՝ 3 տարվա ազատազրկման, ինչպես նաև սահմանվել է տուգանք՝ 400 հազար ռուբլու չափով:
