Грузия Online-ի փոխանցմամբ՝ Վրաստանում «911» ծառայությունը վերստին անջատվելու է շտապօգնությունից։ Այսուհետ, թե՛ 033-ը, թե՛ 911-ը կգործեն առանձին։ Այս մասին հայտարարել է Սոցիալական սպասարկման ու մշակույթի քաղաքային ծառայության ղեկավար Մամուկա Կացարավան։
Վերջինիս խոսքերով՝ ստեղծվելու է նաև առանձին գործակալություն, որը վերահսկելու է շտապօգնության աշխատանքը։
Թբիլիսիի առողջապահության ու սոցիալական հարցերով հանձնաժողովի նախագահ Վիկտոր Դոլիձեն համաձայնել է «911» ծառայության առանձնանալու անհրաժեշտության հետ՝ հավելելով, որ քաղաքապետարանը հաճախ չմտածված քայլեր է ձեռնարկում՝ նկատի ունենալով ավելի վաղ արտակարգ իրավիճակների գծով «911» ծառայության միավորումը շտապօգնության ծառայության հետ։
Դոլիձեի խոսքերով՝ մի քանի ամիս անց այդ երկու ծառայությունները վերստին կառանձնանան միմյանցից։
Հիշեցնենք, որ Մեծ Բրիտանիան առաջին երկիրն է, որ 1937 թվականին ստեղծեց ու գործածեց բազմանշանակ համար՝ վթարային իրավիճակների համար։