Արցախի պաշտպանության բանակի նախկին հրամանատար Ջալալ Հարությունյանն այսօր մասնակցում էր Վ. Սարգսյանի ռազմական ինստիտուտում շրջանավարտների ավարտական հանդիսավոր միջոցառմանը:
Պաշտպանության նախարարությունը տեղյա՞կ չէր, առաջադրվելիք մեղադրանքի և պաշտոնավարման կասեցման մասին,- «Առաջին լրատվականի» հարցին ի պատասխան ՀՀ ՊՆ մամուլի քարտուղար Արամ Թորոսյանը պատասխանեց. «ՀՀ ՊՆ֊ն չի հանդիսանում քրեական վարույթ իրականացնող մարմին և որևէ կերպ տեղեկացված չի եղել և չէր էլ կարող լինել Ջալալ Հարությունյանի նկատմամբ հարուցված քրեական հետապնդման և պաշտոնավարման կասեցման որոշման մասին: Քրեական վարույթը գաղտնի է, դրանով կատարվող դատավարական և վարույթային ակտերի մասին, մինչև հանրայնացնումը, կարող են տեղեկացված լինել միայն վարույթի հանրային մասնակիցները»։