Արցախում հասուն քաղաքական վերնախավի կարիք կա: «Առաջին լրատվական»-ի հետ զրույցում նշեց «Հանուն Հանրապետության» կուսակցության նախագահ Արման Բաբաջանյանը՝ նշելով, որ պաշտոնական Երևանը, խորհրդարանական ու արտախորհրդարանական ուժերը պետք է որպես գործընկեր դիտարկեն Արցախի նոր քաղաքական սերնդին:
Բաբաջանյանի խոսքով՝ Ստեփանակերտը պետք է հասկանա, որ Հայաստանի հզորացմամբ է հնարավոր Արցախի անվտանգության ապահովումը․ «Մենք ընդհանրապես չպետք է բաժանենք Հայաստանի ու Արցախի ապագան ու հարատևությունը: Եթե բանակցությունների սեղանին Հայաստանը թույլ եղավ, չեն կարող ակնկալել, որ Երևանը ամուր դիրքրից կպաշտպանի Արցախին: Ռուսական ներկայությունը Արցախում բազմանշանակ կարևորություն ունի ՌԴ-ի ու Հայաստանում որոշ ուժերի համար: Հայաստանի վրա ռուսական ներգործության հիմնական աղբյուրը դարձել է Արցախը և այնտեղ ռուսական ներկայությունը:
Հայաստանն ու Արցախը պետք է խոհեմություն ունենան և ապահովեն խաթարված ռազմավարական կապերը Բաբաջանյանը կարծում է, որ նոյեմբերի 9-ի փաստաթղթի բովանդակությունը չէինք ունենա, եթե պատերազմը կասեցվեր հոկտեմբերին․ հարցեր, որոնք պետք է լինեն սեղանին․ «Իշխանությունը վախկոտություն է դրսևորում: Արցախյան հարցում կունենանք հեռանկար, եթե դիվանագիտական ջանքերը ապահովել անհրաժեշտ պաշտպանական կարողություններով: Տպավորություն է՝ Հայաստանը հստակ օրակարգ չունի, ամեն ինչ պատվիրակել է Ռուսաստանին: Ռուսաստանը պատրաստ է դաշնակցի շահերը վաճառել Թուրքիային ու Ադրբեջանին․ ՀՀ-ն որոշակի վարքագիծ պետք է դրսևորի: Այն, ինչ տեղի է ունենում, մեզ տանում է անդառնալի կապիտուլյացիայի:Մնացել ենք ռուս-թուրք-ադրբեջանական պարտադրանքի տակ, սա ավելի կործանարար է, քան 2020-ը: Սա այլևս Ղարաբաղի հարց չէ, սա հավաքական ինքնասպանության հարց է»: