Եվրամիության երկրները մոտ օրերս կարող է պաշտոնապես հայտարարեն Սիրիայից արտահանվող նավթի հանդեպ էմբարգո կիրառելու իրենց որոշման մասին: Այս մասին տեղեկացնում է EFE գործակալությունը` հղում անելով Բրյուսելում իր աղբյուրներին:
Այսօր խորհրդակցության ժամանակ Եվրամիության անդամ երկրները քննարկել են այս հարցի հետ կապված տեխնիկական մանրամասներ: Քննարկման մասնակից երկրների ներկայացուցիչները միաձայն կողմ են արտահայտվել Սիրիայից արտահանվող նավթի հանդեպ արգելափակում կիրառելու հարցի շուրջ:
Միաժամանակ տեղեկություններ են ստացվում այն մասին, որ Սիրիայում այսօր սպանվել է ևս 6 մարդ: Ըստ BBC-ի Դամասկոսում և Հոմսում հատուկ գործողություններ են կիրառվում կառավարական ուժերի կողմից:
