Ռուսաստանի Մուրմանսկի շրջանի քննչական կոմիտեն քրեական գործ է հարուցել 21-ամյա մի քաղաքացու հանդեպ` նրան կասկածելով մարդակերության մեջ: Իրավապահների պնդմամբ հանցագործը ոչ միայն սպանել և կերել է տուժածին, ում հետ ծանոթացել է համացանցում, այլ նաև նկարահանել է իր պատրաստած «ուտեստը»: Այս մասին հայտնում է Life News-ը:
Քննչական մարմնի տվյալներով 2011թ-ի օգոստոսի 19-ին մարդակերը համացանցի միջոցով կապ է հաստատել մի տղամարդու հետ և նրան հրավիրել իր տուն: Տուժածին սպանելուց հետո, ըստ նախնական տեղեկությունների, մարդակերը մաս-մաս կտրտել է նրա մարմինը, որից որոշ մասեր օգտագործել է ճաշ սարքելու նպատակով:
Հանցագործն ընդունել է իր մեղքը և հայտարարել, որ ուղակի ցանկացել է մարդկային միս ճաշակել: Իրավապահներին ապշեցրել է, թե ինչ սառնասրտությամբ է նա նկարահանել մարդկային մարմնից պատրաստվող ուտեստները և տեսանյութերը տեղադրել համացանցում:
