ՌԴ-ն Հայաստանի ներքին գործերին միջամտելու փորձ է անում, որը լեգիտիմ չէ: «Առաջին լրատվական»-ի հետ զրույցում նշեց «Հանուն Հանրապետության» կուսակցության քաղաքական խորհրդի անդամ, իրավագետ Արտաշես Խալաթյանը՝ անդրադառնալով ՌԴ դեսպանատան՝ ՀՀ ԱԳՆ-ին ուղղված բողոքի նոտային:
Խալաթյանը նշեց՝ Հայաստանում սգո օր է, ՌԴ դեսպանության բողոքի նոտան հենց այսօր տեղին չէ․ «ՀՀ իշխանությունների հետ հաշիվները պարզելու համար ՌԴ-ն սխալ օր է ընտրել»:
Խալաթյանը նաև անդրադարձավ կեղծ ահազանգերին, նկատելով, որ տեղեկատվական տիրույթը մի ոլորտ է, որտեղ մտրակն ու բլիթը պետք է զուգորդել․ «Նման անբռնազբոս ձևով տեղեկատվական դաշտը վերածել բարդակի անթույլատրելի է․ մերկացվում է մեր թիկունքը: Եթե կեղծ ահազանգերը չենք կարողանում բացահայտել, ինչպես ենք Հոկտեմբերի 27 ու Մարտի 1 բացահայտելու»:
