Էմիլ Օրդուխանյանը ֆեյսբուքյան իր էջում գրել է․
ՊԵՏՈՒԹՅՈՒՆՆԵՐՆ ինստիտուցիոնալապես կայանում են բացառապես ԿԱՐԳԻ հաստատմամբ։
Ժողովրդավարությունն առավելապես պահանջում է ԿԱՐԳ, և դա սկսվում է յուրաքանչյուր ՔԱՂԱՔԱՑՈՒՑ։
Երբ ՔԱՂԱՔԱՑԻՆ` լինի գործատու, աշխատող, սեփականատեր, գործարար և այլք, պահանջում է պարզաբանումներ և/կամ լուծումներ, սակայն խուսափում է պատասխանատվությունից և ցանկացած հարմար առիթ օգտագործում է շարունակելու ԿԱՐԳԸ շրջանցելու և խախտելու միջոցով իր անձնական շահերն առաջ տանելու վարքագիծը, ՊԵՏՈՒԹՅՈՒՆԸ` որպես ինստիտուտ, չի կայանում, իսկ պահանջներն էլ մնում են առանց իրական լուծումների։
ԿԱՐԳԻ հաստատման գործում առավել մեծ է պատկան մարմիների դերը, պատասխանատվությունը և ԿԱՐԳԻ պահպանման նկատմամբ նրանց կողմից վերահսկողության իրականացումը։
Ո՞ր տրամաբանությամբ և անվտանգության ո՞ր կանոներին համապատասխան է մայրաքաղաքի կենտրոնում` առևտրի կենտրոնում, ուր հազարավոր մարդիկ են հաճախում, գործել հրավառության պայթուցիկ նյութերի պահեստ, ինչն ինքնին արդեն վտանգավոր էր։
Սուրմալուի ողբերգական դեպքի պատճառները ժամանակի ընթացքում կբացահայտվեն, սակայն եթե առևտրի այլ կենտրոններում կամ զանգվածային հաճախելիության այլ վայրերում էլի կան նման պահեստներ, ապա դրանք արագորեն պետք է տեղափոխվեն մարդկանցից հեռու վայրեր` ռիսկերի նվազեցման նպատակով` առավել ևս, երբ նման դեպքերում պետականադավ տարրերն անմիջապես ակտիվացնում են տեղեկատվական-ահաբեկչայան գրոհը` հետապնդելով խուճապի առաջացման և ապակայունացման նպատակ։
Առհասարակ` այս դեպքը ցույց տվեց, որ առևտրի կենտրոնները պետք է ծառայեն միայն վաճառքի համար, իսկ վտանգավոր նյութերի պահեստավորումը պետք է իրականացվի բնակչությունից հեռու անվտանգ վայրերում։