Եվրոպայում ատոմային Էլեկտրայանների աշխատանքն ընդհատման սպառնալիքի տակ կհայտնվի անոմալ տապի նոր ալիքի պատճառով: Այդ մասին, իր Telegram-ալիքում հայտնել Է եղանակի կանխատեսման «Մետեո» կենտրոնի ղեկավար Ալեքսանդր Շուվալովը:
«Սկսած օգոստոսի 10-ից՝ Լոնդոնում, Փարիզում խելահեղ շոգ Է լինելու. ցերեկը՝ 30-35 աստիճան ջերմություն, Ֆրանսիայի հարավում՝ մինչեւ 38 աստիճան: Տապն այստեղ կպահպանվի առնվազն մինչեւ հաջորդ շաբաթվա սկիզբը: Սա արդեն տապի չորրորդ կամ հինգերորդ ալիքն Է ամառվա սկզբից ի վեր: ԱԷԿ-երը սպառնալիքի տակ կհայտնվեն, գետերը կշարունակեն բարակել ու ցամաքել»,-ասել Է Շուվալովը:
Նրա խոսքով՝ Եվրոպայից տապի ալիքը Ռուսաստանին չի սպառնում: «Այն, ինչպես անցյալ անգամ, կընդհատվի Լեհաստանում եւ կնահանջի Բալկաններում»,-պարզաբանել Է օդերեւութաբանը: Ատոմային Էլեկտրակայանների աշխատանքը կախված Է սառեցման համակարգերից: Նման համակարգերի արդյունավետությունը կտրուկ նվազում Է, երբ սաստիկ տաքանում Է մթնոլորտային օդը: Նման պայմաններում պետք Է թուլացնել կայանների հզորությունը՝ ընդհուպ մինչեւ լիովին դադարեցում, հաղորդել Է ՌԻԱ Նովոստին:
