Հնդկաստանում շարունակվող շախմատային օլիմպիադայում 7-րդ տուրում առաջատար Հայաստանի հավաքականը մրցեց երկրորդ տեղում գտնվող ԱՄՆ-ի թիմի հետ։ Գերդրամատիկ պայքարում մեր հավաքականին հաջողվեց ոչ-ոքի 2։2 խաղալ։
Գաբրիել Սարգսյանը սպիտակներով պարտության մատնեց աշխարհի ուժեղագույն գրոսմայստենրեից Ֆաբիանո Կարուանային։ Հրանտ Մելքումյանը զիջեց Ուեսլի Սոյին, Սամվել Տեր-Սահակյանը՝ Լենիեր Դոմինգեսին։ 4-րդ խաղատախտակի վրա Ռոբերտ Հովհանիսյանը շուրջ 5 և կես ժամ ծանր պայքարից հետո ստիպեց հանձնվել Սեմ Շենքլանդին հետ մեր հավաքականին փրկելով պարտությունից։ Այս ոչ-ոքիի շնորհիվ Հայաստանի հավաքականը 13 միավորով շարունակում է գլխավորել մրցաշարային աղյուսակը։
Հիշեցնենք, որ ԱՄՆ-ի հավաքականի անդամ Լևոն Արոնյանը չի մասնակցել Հայաստանի դեմ հանդիպմանը։