Հայաստանում այս տարվա առաջին կիսամյակում եղել է անշարժ գույքի հետ կապված 96 535 գործարք, որը վերջին 12 տարիների ամենաբարձր ցուցանիշն է, իսկ անցած տարվա նույն ժամանակահատվածի համեմատ գործարքներն ավելացել են մոտ 6 տոկոսով։ Այդ գործարքների մեծ մասն իրականացվել է Երևանում։
Դրանք հիմնականում վերաբերել են հողերի, բնակարանների ու առանձնատների հետ կապված գործարքներին։ Առքուվաճառքի գործարքները նույնպես ամենաշատը եղել են Երևանում։ Առհասարակ, կիսամյակի ընթացքում գրանցվել է 27 192 առքուվաճառքի գործարք։ Հիմնականում առքուվաճառքի առարկա են եղել հողերը, բնակարաններն ու առանձնատները։ Առքուվաճառքի գործարքները նվազել են Արարատի, Վայոց ձորի ու Լոռու մարզերում։
Երևանի վարչական շրջաններում առքուվաճառքի գործարքների վերլուծությունը ցույց է տալիս, որ Կենտրոնում առքուվաճառքն ավելացել է 71 տոկոսով, Մալաթիա-Սեբաստիայում՝ 48 տոկոսով, Ավանում՝ 41 տոկոսով։ Առքուվաճառքի տպավորիչ գործարքների թիվ է գրանցվել Նորք Մարաշում․ այստեղ գործարքների թիվը կրկնապատկվել է՝ 82-ից 17։ Բնակարանների քառակուսի մետրի գինը բարձրացել է նաև Գյումրիում՝ 27 տոկոսով, Էջմիածնում՝ 26 տոկոսով, Գավառում՝ 29 տոկոսով, Վանաձորում՝ 32 տոկոսով, Դիլիջանում՝ 24,5 տոկոսով, Աշտարակում՝ 20 տոկոսով։
Այս մասին «Առաջին լրատվական»-ը խոսել է «Սիլվեր Ռ.Ե.Ա.» անշարժ գույքի գործակալության տնօրեն Անդրանիկ Հարությունովի հետ, որի նշմամբ՝ կան մի քանի հանգամանքներ, որոնք նպաստում են այս ռեկորդային ցուցանիշների առկայությանը։ Դրանցից մեկը՝ տարադրամի փոխարժեքի տատանումներն են, որի հիման վրա շատերը փորձում են իրենց խնայողությունները ներդնել անշարժ գույքի մեջ։ Մյուս հանգամանքն այն է, որ վարձակալության գները էապես բարձրացնել՝ հիմա շատ եկամտաբեր է գույք ձեռք բերելն ու այն հանձնել վարձակալության։
Հարությունովի փոխանցմամբ՝ արտասահմանից մեր հայրենակիցները սկսել են շատ անշարժ գույք ձեռք բերել Հայաստանում, որը հիմնականում պայմանավորված է՝ պատերազմներով։ Մենք շատ օտար երկրներում ունենք հայկական համայնքներ, որտեղի հայերը ձգտում են ունենալ իրենց սեփական տունը հենց հայրենիքում՝ Հայաստանում, քանի որ այնտեղ, որտեղ մեկնել են բնակության՝ կարող են լինել պատերազմներ ու իրենց վերջին կետը, ապաստանը, որտեղ ապահով կլինեն ու կընդունեն նրանց՝ լինելու է Հայաստանը ու, որպեսզի վարձով չմնան կամ դրսում՝ նախընտրում են գնել տուն հայրենի հողում։ Սրա փաստացի օրինակներն են՝ Սիրիայի և ռուս-ուկրաինական պատերազմը ։
Հանգամանքներից է նաև այն, որ կառուցապատման ոլորտում ունենք աճ։ Շատ նախագծեր են կյանքի կոչվում, որի արդյունքում ոլորտում սկսում է գործել մրցակցությունը, ինչն էլ ստեղծում է հաջող գնային առաջարկը ու տանում նրան, որ մարդիկ ձգտում են նոր նախագծերում ունենալ իրենց սեփական անշարժ գույքը։ Վերջին տարիներին անշարժ գույք ձեռք բերելը շատ գրավիչ է դարձել մեր հայրենակիցների համար՝ թե՛ եկամտահարկի հետ վերադարձի մասին օրենքով, թե՛ նոր նախագծերով, թե՛ կենցաղային պայմանների բարելավմամբ պայմանավորված։ Սրանք հանգեցրին նրան, որ ոլորտում գրանցվեց մեծ ակտիվություն ու առք ու վաճառքը դարձավ ակտուալ, եկամտաբեր ու մրցակցային շուկա։
Վերոնշյալ որոտում կա մեծ պահանջարկ, որ տարել է նրան, որ ոլորտում ունենք գնաճ։ Վերջին հինգ տարիների ընթացքում տարեկան գրանցվել է միջինում տասը տոկոսի գնաճ։ Ներկա դրությամբ, տարադրամի տատանմամբ պայմանավորված՝ հոսքը շատացել է, որը ևս տարել է գնաճի, սակայն ունենալով շատ նախագծեր՝ ստեղծվել է մեծ մրցակցություն, որի շնորհիվ, ինչպես տեսնում ենք, գնաճը փոքր-ինչ զսպվում է։
