Այսօր՝ հուլիսի 15-ին, Apple-ի պաշտոնական վերավաճառող խանութներում մեկնարկել են MacBook Air M2-ի նախնական պատվերները:
2022 թվականի հունիսի 6-ին Apple-ն աշխարհին ներկայացրեց M2 պրոցեսորով հագեցած նոր արտադրանք՝ 13,6 դյույմանոց էկրանով MacBook Air:
Apple-ն ամբողջությամբ վերանայել է սարքի դիզայնը, նորույթի կորպուսը նախորդի համեմատ փոքրացել է 21%-ով։ Դիզայնը հիշեցնում է MacBook Pro-ի վերջին տարբերակը՝ եզրերը սեպաձևից վերածվել են անկյունայինի:
Թարմացված սև ստեղնաշարը ներդաշնակ է պատյանի նոր երանգների՝ Midnight-ի և Starlight-ի հետ։ Այս մոդելը հասանելի է նաև դասական մոխրագույն և արծաթագույն երանգներով։
Սարքը բարելավել է իր M2 պրոցեսորը։ CPU-ի առումով այն 18%-ով ավելի հզոր է նախորդից, իսկ GPU-ի առումով՝ 35%-ով: Նման հզոր պրոցեսորի շնորհիվ այլևս կարիք չկա հովացման համակարգի, այն բացարձակապես անաղմուկ է` անկախ սարքի ինտենսիվությունից: Արտադրողականությունը 100 Գբ/վ է, համակցված հիշողությունը՝ 24 Գբ։ Էկրանի անկյունագիծը 13,6 դյույմ է, իսկ Liquid Retina էկրանի պայծառությունը՝ 500 nits։ Այժմ այն MacBook Air-ում երբևէ հանդիպած 1 միլիարդ գունավոր էկրանի ամենամեծ և ամենավառ էկրանն է: Մուտքագրած տեքստը չափազանց հստակ է, իսկ լուսանկարներն ու տեսանյութերը առավել պայծառ են՝ բարձր կոնտրաստով և ընդգծված մանրուքներով:
MacBook Air M2-ն ունի 1080p դիմային տեսախցիկ՝ բարելավված ցածր լույսի պայմանների համար: Նոութբուքն ապահովում է երկու Thunderbolt պորտ, ականջակալների խցիկ և MagSafe՝ արագ լիցքավորման գործառույթով միակցիչ, մարտկոցի 80%-ը կլիցքավորվի 20 րոպեում։ Մարտկոցը կծառայի 18 ժամ` տեսանյութի նվագարկման պարագայում: Նոր MacBook Air M2-ի գինը Հայաստանում սկսվում է 659 900 դրամից։ Սարքը վաճառքում կհայտնվի հուլիսի 22-ին։ Իսկ այսօր՝ հուլիսի 15-ին, սկսվել են նախնական պատվերները Apple-ի պաշտոնական վերավաճառող խանութներում՝ iSpace Mobile Centre, Vega, iStore:
